لکھنو: آئندہ سال ہونے والے اترپردیش اسمبلی انتخابات اور اپریل میں ہونے جارہے سہ سطحی پنچایت انتخابات کے پیش نظر ریاستی کانگریس نے تنظیمی ڈھانچے میں ردوبدل کرتے ہوئے تین نئے نائب صدور بنائے ہیں۔ پہلے پانچ نائب صدر تھے لیکن اب ان کی تعداد بڑھ کر آٹھ ہوگئی ہے۔ گیا دین انوگراگی، دیپک کمار اور وشووجے سنگھ کونیا نائب صدر بنایا گیا ہے ۔ کانگریس جنرل سکریٹری و پارٹی کی اترپردیش انچارج پرینکا گاندھی واڈرا نے ہر ضلع میں ایک انچارج سکریٹری بنانے کا حکم دیا ہے ۔
