گوہاٹی: آسام کے وزیر اعلیٰ ہمانتا بسوا سرما نے کہا کہ ریاست میں جلد ہی یکساں سیول کوڈ نافذ کیا جائے گا۔ چیف منسٹرنے کہا کہ ہم اتراکھنڈ اور گجرات کی طرح یو سی سی لائیں گے۔ آسام کے یکساں سیول کوڈ میں مزید قواعد ہوں گے، اور ہم ان ریاستوں کے یو سی سی بل کے مطابق ریاست میں یکساں سول کوڈ بھی لائیں گے۔ میں اتراکھنڈ کا یو سی سی بل دیکھنے کا انتظار کر رہا ہوں۔ آسام میں قبائلی برادری کو یو سی سی کے دائرہ کار سے مستثنیٰ رکھا جائے گا۔اس سے پہلے، ہمنتا بسوا سرما نے ریاستی بی جے پی ایگزیکٹو کی میٹنگ سے خطاب کیا۔جس میں انہوں نے کہا کہ ہم اس دن کا انتظار کر رہے ہیں جب اتراکھنڈ اور گجرات کے بعد آسام ایسی ریاست بنے گی جو یکساں سیول کوڈ کو نافذ کرے گی۔ قابل ذکر ہے کہ ملک میں یکساں سیول کوڈ کے تعلق سے مرکزی وزیر قانون ارجن رام میگھوال نے دعویٰ کیا ہے کہ یکساں سیول کوڈ کی اہمیت اور حساسیت کو ذہن میں رکھتے ہوئے لا کمیشن اس سے متعلق تمام پہلوؤں کا مطالعہ کر رہا ہے۔بی جے پی کے راجیہ سبھا کے رکن پارلیمنٹ ہرناتھ سنگھ یادو نے سرمائی اجلاس کے دوران 8 دسمبر 2023 کو راجیہ سبھا میں زیرو اوور کے دوران یکساں سول کوڈ کا مسئلہ اٹھایا تھا۔
