نئی دہلی: گجرات انتخابات کا اعلان کرتے ہوئے الیکشن کمیشن نے اعلان میں تاخیر پر اپوزیشن کی تنقید کو بھی مسترد کر دیا ہے۔ کمیشن نے دلیل دی ہے کہ موسم، اسمبلی کی میعاد کی آخری تاریخ اور ماڈل ضابطہ اخلاق کے نافذ ہونے کے دن کے درمیان توازن برقرار رکھنا چاہیے۔چیف الیکشن کمشنر راجیو کمار نے کہا کہ گجرات انتخابات کی تاریخیں مقررہ وقت کے اندر ہیں۔ گجرات میں ووٹوں کی گنتی اسی دن ہوگی جس دن ہماچل پردیش میں ووٹوں کی گنتی ہوگی۔
