نئی دہلی ۔ آئی پی ایل 2025 کی نیلامی ختم ہو چکی ہے، لیکن ایک نام ہے جو خبروں میں ہے، وہ ہے 13 سالہ ویبھو سوریاونشی کا ہے جو آئی پی ایل کے سب سے کم عمر کروڑ پتی بن گئے۔ سوریاونشی کو راجستھان رائلز نے1.10 کروڑ روپے میں خریدا۔ سوریاونشی کے کوچ منیش اوجھا اور بہار ٹیم میں ان کے کپتان آشوتوش نے اس نوجوان کے کئی راز کھولے۔ یہ بات سامنے آئی کہ ان کی بیٹنگ بے خوف، دھماکہ خیز اوربولروں کی رفتارختم کردیتی ہے۔آئی پی ایل دنیا کے کئی فاسٹ بولرس کھیلتے ہیں۔ بمراہ ۔ سراج اوربولٹ جیسے مشہوربولرس یہاں اپنی گیندوں سے آگ اگلتے ہیں۔ 13 سالہ سوریاونشی میں ان بولروں کا مقابلہ کرنے کی صلاحیت ہے ۔کوچ منیش اوجھا نے کہا ہیکہ ویبھو کے پاس تین چیزیں ہیں، جو ان کی سب سے بڑی طاقت ہیں۔ وہ آئی پی ایل میں طوفانی بولروںکے خلاف ڈھال ثابت ہوں گے۔ اس کی بدولت وہ نہ صرف ان کو کھیل سکے گا بلکہ حاوی بھی ہو جائے گا۔ منیش اوجھا نے کہا کہ ویبھو کی پہلی خوبی یہ ہے کہ وہ فوری طور پر کسی بھی حالت اور ماحول سے ہم آہنگ ہوجاتا ہے۔ وہ پچ کے مزاج کے مطابق کھیلتا ہے۔ اس کا مطلب ہے کہ بولروں کے پاس اسے پریشان کرنے کے لیے کم راستے رہ جاتے ہیں۔ویبھو کی دوسری طاقت اس کا اعتماد ہے۔ انہیں جو بھی کرنا ہوتا ہے وہ پورے اعتماد کے ساتھ کرتے ہیں۔ اس کی مثال دیتے ہوئے کوچ نے کہا کہ کئی بار میچوں کے دوران ہم انہیں کہتے ہیں کہ آپ سنگل ڈبل بھی لے سکتے ہیں۔ اس پر وہ کہتا ہے کہ جناب میں ایسی گیند پر سنگل ڈبل کیوں لوں جس پر میں چھکا لگا سکتا ہوں۔کوچ نے کہا کہ ویبھو کی تیسری طاقت ان کا میچ ونر ہونا ہے۔ جس دن وہ کھیلتا ہے، وہی کھلاڑی مین آف دی میچ ہوتا ہے جو میچ جیت کر واپس آتا ہے۔ آشوتوش امان، جو بہار کی ٹیم کے کپتان تھے، نے سوریاونشی سے اپنی پہلی ملاقات کے بارے کہا کہ جب میں نے انہیں پہلی بار دیکھا تو ان کی کم عمری کی وجہ سے میں تذبذب کا شکار تھا۔ میرے ذہن میں سوال تھا کہ کیا وہ کھیل سکے گا؟ لیکن خداداد صلاحیت رکھتا ہے اور کسی بھی بولر کو پورے اعتماد کے ساتھ کھیل سکتا ہے ۔
