تل ابیب : اسرائیلی وزیراعظم بنجامن نتن یاہو نے اقوام متحدہ کی لبنان میں تعینات عارضی امن فورس کو جنوبی لبنان سے انخلا کی سنگین دھمکی دی ہے۔نیتن یاہو نے ایک ویڈیو پیغام میں لبنان میں موجود فورسز پر اسرائیلی فوج کے حملوں کے حوالے سے اپنا موقف پیش کیا۔ اسرائیلی وزیراعظم نے زور دیا کہ فورسز کو اسرائیل کی انخلا کی درخواست پر غور کرنا چاہیے ساتھ ہی انہوں نے دعوی کیا کہ یہ الزام سراسر غلط ہے کہ اسرائیل نے جان بوجھ کر فورسز کے اہلکاروں کو نشانہ بنایا ہے۔نیتن یاہو نے حزب اللہ پر الزام عائد کیا کہ وہ فورسز کی تنصیبات اور مقامات کو اپنی ڈھال کے طور پر استعمال کر رہی ہے۔قابل ذکر بات یہ ہے کہ نیتن یاہو نے گزشتہ روز بھی اسرائیلی فوج کے فورسز پر حملے کے بعد امن فورسز کو جنوبی لبنان سے نکلنے کی دھمکی دی تھی۔متعدد ممالک نے اسرائیلی فوج کے عارضی کے ٹھکانوں پر حملوں پر شدید تشویش کا اظہار کیا ہے اور اسرائیل سے ان حملوں کو فوری طور پر روکنے کا مطالبہ کیا ہے۔
