نئی دہلی، 15 اگست (یواین آئی) مرکزی وزیر داخلہ امیت شاہ کل الور میں الور سرس ڈیری احاطہ میں نئے ڈیری پلانٹ کا سنگ بنیاد رکھیں گے ۔ ساتھ ہی مختلف ملک یونینوں کے ڈیری پروسیسنگ اور مویشی خوراک کے پلانٹس کا بھی ای ۔ افتتاح کیا جائیگا۔امداد باہمی وزارت کے بیان کے مطابق الور تقریب میں امیت شاہ نئے مرکزی کوآپریٹو بینکوں کے قیام کا اعلان کرینگے ۔ اس کے علاوہ مختلف فلاحی اسکیموں کے مستحقین کو ڈی بی ٹی سے رقم منتقل کی جائیگی ، جن میں پردھان منتری فصل بیمہ یوجنا اور پردھان منتری کسان سمان ندھی کے مستحقین شامل ہیں۔
