لندن ۔ 10 مارچ (سیاست ڈاٹ کام) برطانوی وزیر خارجہ ڈومینک ریپ نے کہا کہ ان کا ملک ایران کو نیوکلیئر ہتھیار رکھنے کی اجازت نہیں دے گا۔ ان کا کہنا تھا کہ ایران کو اس کے اقدامات اور اس کے بین الاقوامی قوانین کی خلاف ورزی کا جوابدہ ٹھہرایا جائے گا۔العربیہ سے بات کرتے ہوئے برطانوی وزیر خارجہ کا کہنا تھا کہ ایران شام ، عراق اور آبنائے ہرمز میں اپنے اقدامات کی وجہ سے خطے کو عدم استحکام سے دوچار کررہا ہے۔ ایرانی حکومت کو خطے کو عدم استحکام سے دوچار کر نے کی کوششوں سے باز رہنا چاہیے۔
