تہران: ایران کے صدر مسعود پیزشکیان اقوام متحدہ کی جنرل اسمبلی (یو این جی اے ) کے 79ویں اجلاس میں شرکت کریں گے ، جس کیلئے وہ اتوار کے روز نیویارک روانہ ہوں گے ۔سرکاری خبر رساں ایجنسی ارنا نے منگل کے روز یہ اطلاع دی۔نیوز ایجنسی ارنا نے کہا کہ پیزشکیان کی تقریر 24 ستمبر کو ہونے والی ہے ۔ وہ اپنی تقریر میں ایرانی عوام کے نقطہ نظر کو اجاگر کریں گے ۔خبر رساں ایجنسی نے کہا کہ صدر کے نیویارک میں قیام کے دوران امریکہ میں مقیم ایرانی شہریوں، میڈیا اور مختلف گروپس کے ڈائریکٹرز، دیگر ممالک کے اعلیٰ عہدیداروں اور مذہبی رہنماؤں سے ملاقات متوقع ہے ۔پیزشکیان نے پیر کے روز تہران میں پریس کانفرنس میں کہا کہ 79ویں یو این جی اے میں ان کی شرکت کا مقصد ایرانیوں کے حقوق، نقطہ نظر اور عزائم کا تحفظ کرنا ہے ۔
