ممبئی : نیشنلسٹ کانگریس پارٹی (این سی پی) کے رہنما اجیت پوار نے آج اس بات کی تردید کی کہ وہ اپنے حامیوں کے ساتھ بی جے پی میں جانے کا منصوبہ بنا رہے ہیں، انہوں نے ذرائع ابلاغ پر الزام لگایا کہ ’’بغیر کسی وجہ کے افواہیں پھیلا رہا ہے ‘‘۔اجیت پوار نے این سی پی اور مہاراشٹرا کے اپوزیشن اتحاد میں دراڑ کی بات کو تنقید کا نشانہ بناتے ہوئے کہاکہ “کسی بھی افواہ میں کوئی سچائی نہیں ہے ۔ میں این سی پی کے ساتھ ہوں اور میں این سی پی کے ساتھ رہوں گا۔ انہوں نے کہاکہ میں نے 40 ایم ایل ایز کے دستخط نہیں لیے ۔ جو ایم ایل اے آج مجھ سے ملنے آئے ، یہ ایک معمول کا عمل ہے ۔ کوئی اور مطلب نہ نکالیں سابق نائب وزیراعلی نے کہا کہ این سی پی کارکنان تمام گونجوں کی وجہ سے ’’الجھن‘‘ میں پڑ گئے ہیں۔ انہوں نے کہا، “میں انہیں بتانا چاہتا ہوں کہ فکر نہ کریں، شرد پوار کی قیادت میں این سی پی کی تشکیل ہوئی ہے ، اور ایسے وقت بھی آئے ہیں جب ہم اقتدار میں یا اپوزیشن میں رہے ہیں۔” اجیت پوار نے کہا کہ ایسی افواہیں جان بوجھ کر پھیلائی جارہی ہیں اور بے روزگاری اور کسانوں کے مسائل جیسے اہم مسائل سے توجہ ہٹائی جارہی ہے ۔
