گوہاٹی : بی جے پی جو تین طلاق کے خلاف اپنے موقف کے لئے جانی جاتی ہے اور جو کثرت ازدواج کے خلاف بھی بات کرتی ہے ، یہ عجیب بات ہے کہ خود اُس کے قائدین کثرت ازدواج کے مرتکب ہوتے ہیں ۔ موجودہ طورپر کئی بی جے پی قائدین کی ایک سے زائد بیویاں ہے۔ اُدے پور کے بی جے پی رکن پارلیمنٹ ارجن لال مینا نے تو گزشتہ سال ’’کرواچودھ‘‘کو منانے میں ایک نئی روایت قائم کی ۔ اُنھوں نے اپنی دونوں بیویوں میناکشی اور راجکماری کے ساتھ یہ رسم نبھائی ۔ سمراٹھ موریا ایک اور قد آور بی جے پی لیڈر ہیں اور مدھیہ پردیش میں سابق پنچایت سربراہ رہ چکے ہیں ۔ وہ کہتے ہیں کہ جب آپ زیادہ شادیاں کرسکتے ہیں تو ایک پر اکتفاء کیوں کیا جائے ؟ سمراٹ کی تین بیویاں ہے۔ مہاراشٹرا میں حلقۂ اسمبلی ارنی کے بی جے پی ایم ایل اے راجیو نارائن بی ایک شادی پر قناعت کو پسند نہیں کرتے ۔ بعض مہاراشٹرا کے ہی سابق بی جے پی وزیر بابن راؤ لونیکر بھی کثرت ازدواج کے حامی ہیں۔ اسی ریاست کے دھننجے منڈے نے بھی ایک سے زیادہ شادیاں کی ۔ بی جے پی کے ایسے پس منظر کے باوجود آسام میں چیف منسٹر ہمانتا بسوا سرما کثرت ازدواج پر پابندی عائد کرنے کی کوشش کررہے ہیں ۔
