اگرتلہ:تریپورہ میں آئندہ 6 اپریل کو منعقدہ 8 رکنی تریپورہ قبائلی علاقے آٹونومس ڈسٹرکٹ کونسل کے انتخابات کیلئے 185 امیدواروں نے اپنا پرچہ نامزدگی داخل کیاہے ۔ نامزدگی کے کاغذات کی جانچ پڑتال 15 مارچ کو ہوگی جبکہ 17 مارچ تک نام واپس لئے جاسکیں گے ۔حکمراں بی جے پی اور انڈیجینس پیپل فرنٹ آف تریپورہ آئی پی ایف ٹی کے درمیان نشستوں کی تقسیم کے تعلق سے مقامی سطح کے لیڈران میں ناراضگی دیکھی گئی ہے اور اس کے سبب اپنی پارٹیوں سے ناراض 62 لیڈران آزاد امیدوار کے طور پر پرچہ نامزدگی داخل کیا ہے ۔اس کے علاوہ اپوزیشن جماعت سی پی آئی، کانگریس اور سودیشی پروگریسیوریجینل الائنس کے امیدواروں نے اپنا پرچہ داخل کیا ہے ۔گزشتہ کچھ دنوں میں آئی پی ایف ٹی اور ٹی آئی پی آر اے اور آئی پی ایف ٹی اوربی جے پی کے درمیان انتخاب سے قبل تشدد کی کئی رپورٹ ملی ہیں۔
