واشنگٹن: امریکی ریاست جارجیا میں جمعرات کو کئی پرتشدد واقعات میں چار افراد ہلاک ہو گئے ۔ مقامی میڈیا نے افسران کے حوالے سے بتایا کہ مولٹری شہر میں ایک شخص نے خود کو گولی مارنے سے پہلے تین بالغ افراد کو قتل کر دیا۔ کولکویٹ کاؤنٹی کے کورونر ورلن بروک کے حوالے سے شائع شدہ رپورٹ میں کہا گیا ہے کہ ملزم کے نام کا انکشاف نہیں کیا گیا ہے ۔ اس نے اپنی ماں اور دادی کو قتل کیا ہے ۔ بریک نے کہا کہ اس افسوسناک واقعہ کے بعد ملزم ایک مقامی میکڈونلڈ میں گیا اور خودکشی کرنے سے پہلے ایک اور خاتون کو قتل کر دیا۔ رپورٹ میں کہا گیا ہے کہ یہ واضح نہیں ہے کہ ملزم خاتون کو جانتا تھا یا نہیں۔
