محبوب نگر ۔25 اگسٹ (سیاست ڈسٹرکٹ نیوز )عوام کو پولیس کی بہتر سہولیات فراہم کرنے کے ساتھ ساتھ جرائم پر قابو پانے کے لیے سخت اقدامات کیے جائیں۔ زیر التواء مقدمات کی تحقیقات تیز کی جائیں اور متاثرین کو انصاف فراہم کیا جائے۔ضلع ایس پی جانکی دھراوت کی نگرانی میں بھوت پور پولیس اسٹیشن کا سالانہ معائنہ کیاگیا۔انھوں نے منگل کو بھوت پور پولیس اسٹیشن کا معائنہ کیا۔ عملے کی کارکردگی اور جرائم پر قابو پانے کے اقدامات کا جائزہ لیا۔اس موقع پر ایس پی نے کہا کہ تھانے میں آنے والے ہر شکایت کنندہ کو فوری جواب دیا جائے، ان کے مسائل کو پوری طرح سنا جائے اور قانونی حل فراہم کیا جائے۔ انہوں نے کہا کہ عوام کو معیاری اور شفاف پولیس خدمات فراہم کرکے محکمہ پولیس پر عوام کے اعتماد میں اضافہ کیا جائے۔چونکہ بھوت پور پولیس اسٹیشن حدود کے تحت NH-44 قومی شاہراہ پر ہزاروں بھاری گاڑیوں اور دیگر گاڑیوں کے چلنے کا امکان ہے، اس لیے ایس پی نے ٹریفک انتظام پر خصوصی توجہ دینے کا حکم دیا۔پروگرام میں ڈی ایس پی وینکٹیشورلو، بھوت پور سرکل انسپکٹر رام کرشنا، بھوت پور پولیس اسٹیشن کے سب انسپکٹر ناگنا اور پولس اسٹیشن کے عملہ نے حصہ لیا۔
