سری نگر: جموں و کشمیر میں جمعرات اور جمعے کی درمیانی شب زلزلے کے ہلکے جھٹکے محسوس کئے گئے تاہم کسی جانی یا مالی نقصان کی کوئی اطلاع نہیں ہے ۔زلزلہ پیما پر زلزلے کی شدت 4.3 ریکارڈ کی گئی اور اس کا مرکز جموں و کشمیر میں ہند- پاک سرحد کا کوئی علاقہ تھا جبکہ اس کی گہرائی دس کلو میٹر درج ہوئی ہے ۔محکمہ موسمیات کے ناظم سونم لوٹس نے بتایا کہ جموں وکشمیر میں جمعرات و جمعے کی درمیانی شب ایک بجکر 53 منٹ پر زلزلے کے جھٹکے محسوس کئے گئے ۔ انہوں نے کہا کہ زلزلے کا مرکز جموں و کشمیر میں ہند۔پاک سرحد کا علاقہ تھا۔واضح رہے کہ جموں کشمیر زلزلیاتی پیمانے پر زیادہ خطرناک پانچ اور چار زون میں آتے ہیں۔
