ڈیفنس مارکٹ میں ہندوستان کی تیز رفتار پیشرفت ۔ ایرو انڈیا 2023 کا افتتاح ، وزیراعظم کا خطاب
بنگلورو: زیر اعظم نریندر مودی نے پیر کو کہا کہ ہندوستان کا مقصد 2024-25 تک دفاعی برآمدات کو 5 بلین ڈالر تک لے جانا ہے اور وہ دفاعی پیداوار کرنے والے ممالک کی صف میں شامل ہونے کیلئے تیزی سے آگے بڑھے گا۔ مودی نے یہاں ایرو انڈیا 2023 کا افتتاح کرنے کے بعدکہا کہ ہندوستان نے پچھلے 8-9 سالوں میں اپنے دفاعی شعبے کو تبدیل کیا ہے ۔ ہم اسے صرف آغاز سمجھتے ہیں۔ ہمارا مقصد 2024-25 تک دفاعی برآمدات کو 5 بلین ڈالر تک لے جانا ہے ۔ ہندوستان اب دفاعی پیداوار کرنے والے ممالک میں شامل ہونے کیلئے تیزی سے آگے بڑھے گا۔ انہوں نے کہا کہ آج ہندوستان نہ صرف عالمی دفاعی کمپنیوں کیلئے ایک مارکیٹ ہے بلکہ ایک پارٹنر بھی ہے اور ان ممالک کیلئے بھی ایک موزوں پارٹنر کے طور پر ابھر رہا ہے جو اپنی سیکورٹی ضروریات کو پورا کرنا چاہتے ہیں۔ ہماری ٹیکنالوجی سستی اور قابل بھروسہ بھی ہے۔ وزیر اعظم نے کہا کہ تیجس لڑاکا طیارے دیسی طور پر تیار کردہ آئی این ایس وکرانت اور تماکورو میں ہیلی کاپٹر فیکٹری میک ان انڈیا کی طاقت کی مثالیں ہیں۔ انہوں نے زور دے کر کہا کہ 21 ویں صدی کا ہندوستان نہ تو کوئی موقع ضائع کرے گا اور نہ ہی اپنے خوابوں کو حاصل کرنے کیلئے سخت محنت کرنے سے پیچھے ہٹے گا۔ انہوں نے کہا کہ آج کا ہندوستان تیز، دور تک سوچتا ہے اور فوری فیصلے کرتا ہے ۔ انہوں نے کہا کہ امرت کال کا ہندوستان ایک فائٹر پائلٹ کی طرح آگے بڑھ رہا ہے ۔ کاروبار کرنے میں آسانی کی سمت میں ہندوستان میں کی گئی اصلاحات کی آج پوری دنیا میں بحث ہو رہی ہے اور ہندوستان نے عالمی سرمایہ کاری اور ہندوستانی اختراعات کیلئے سازگار ماحول پیدا کرنے کیلئے کئی اقدامات اٹھائے ہیں۔انہوں نے کہا کہ ایک وقت تھا جب ایرو انڈیا کو ہندوستان میں دفاعی نمائش کا گوشہ سمجھا جاتا تھا، لیکن گزشتہ برسوں میں یہ تقریب ہندوستان کی طاقت اور اس کے دفاعی شعبے پر توجہ کی عکاسی کرتی ہے ۔
چلا گیا ہے ۔انہوں نے کہا کہ ہندوستان کی کامیابیاں اس کے امکانات اور صلاحیت کا ثبوت ہیں تیجس طیارہ ‘میک ان انڈیا’کی کامیابی کا ثبوت ہے ۔ آج کاانعقاد ہندوستان کی نئی سوچ کی بھی ظاہر کرتا ہے ۔ یہ تقریب صرف ایک دکھاوانہیں ہے ، یہ ہندوستان کی طاقت بھی ہے ۔مودی نے کہا کہ یہ تقریب ایک اور وجہ سے بہت خاص ہے کیونکہ یہ کرناٹک جیسی ریاست میں ہو رہا ہے جسے ٹیکنالوجی کی دنیا میں خصوصی مہارت حاصل ہے ۔ انہوں نے کہا کہ یہ تقریب فضائی حدود اور دفاع کے میدان میں نئے مواقع پیدا کرے گی۔ کرناٹک کے نوجوانوں کیلئے نئے امکانات پیدا ہوں گے ۔