جنیو ؍ نئی دہلی ؍ بیجنگ۔عالمی وبائی مرض کورونا وائرس کے پھیلاؤ میں اضافہ مسلسل جاری ہے اور دنیا بھر میں اس جان لیوا وائرس سے ہلاک شدگان کی تعداد پانچ لاکھ سے تجاوز کرچکی ہے جبکہ متاثرہ افراد کی تعداد بڑھ کر 1.04 کروڑ سے زیادہ ہوگئی ہے ۔امریکہ کی جان ہاپکنز یونیورسٹی کے سینٹر فار سائنس اینڈ انجینئرنگ (سی ایس ایس ای) کے جاری تازہ ترین اعدادوشمار کے مطابق دنیا بھر میں کورونا وائرس سے متاثر ہونے والے لوگوں کی تعداد1,04,29,999ہوگئی ہے جبکہ 509628 افراد اپنی زندگی سے ہاتھ دھو بیٹھے ہیں۔کووڈ ۔19 سے متاثر ہونے کے معاملہ میں امریکہ دنیا بھر میں پہلے ، برازیل دوسرے اور روس تیسرے نمبر پر ہے ۔ دوسری طرف اس وبا کی وجہ سے اموات کے اعداد و شمار کے لحاظ سے امریکہ پہلے ، برازیل دوسرے اور برطانیہ تیسرے نمبر پر ہے ۔ ہندوستان میں گذشتہ 24 گھنٹوں کے دوران کورونا وائرس کے 18653 نئے کیسز رپورٹ ہوئے ہیں اور اب یہاں متاثرین کی مجموعی تعداد 5854930 ہوگئی ہے ۔ اسی عرصہ میں یہاں کورونا وائرس سے 507 اموات کے ساتھ ہلاک شدگان کی مجموعی تعداد 17400 ہوگئی ہے ۔ اس وقت ملک میں کوروناوائرس کے 220114 فعال کیسیس موجود ہیں اور اب تک 347979 افراد اس وبا سے شفایاب ہوئے ہیں۔ کورونا وائرس سے متاثر ہونے کے معاملہ میں ہندوستان دنیا کے سب سے زیادہ متاثرہ ممالک کی فہرست میں چوتھے نمبر پر ہے ۔دنیا میں خودکو سپر پاور سمجھنے والے امریکہ میں اب تک 2683000 افراد کوروناوائرس سے متاثر ہوچکے ہیں اور129545 افراد ہلاک ہوچکے ہیں۔ برازیل میں اب تک 1368195 افراد اس وبا کا شکار ہوچکے ہیں جبکہ 58314 افراد لقمہ اجل بن چکے ہیں۔روس میں بھی کووڈ۔ 19 کا پھیلاؤ رکنے کا نام نہیں لے رہا ہے اوریہاں اب تک 647849افراد متاثر ہوئے ہیں۔روس میں اس جان لیوا وائرس سے اب تک 9320 افراد اپنی زندگی سے ہاتھ دھو بیٹھے ہیں۔ اس مہلک وبا کی وجہ سے برطانیہ میں حالات مزید خراب ہوتے جارہے ہیں۔ اس ملک میں اب تک 311965 افراد اس وبا سے متاثر ہوچکے ہیں
اور 43575 افراد لقمہ اجل بن چکے ہیں۔پیرو اور چلی کورونا وائرس سے متاثر ہونے کے معاملہ میں دنیا میں بالترتیب چھٹے اور ساتویں نمبر پر ہیں۔ پیرو میں متاثرہ افراد کی تعداد 282365 ہے اور ہلاک ہونے والوں کی تعداد 9504 ہے ۔ وہیں چلی میں اب تک 275999 افراد کورونا وائرس سے متاثر ہوچکے ہیں اور ہلاک ہونے والوں کی تعداد 5575 ہے ۔دنیا میں آٹھویں مقام پر اسپین میں اب تک 2،48،970 افراد جان لیوا کورونا وائرس سے متاثر ہوئے ہیں جبکہ 28،346 افراد لقمہ اجل بن چکے ہیں۔ یوروپی ملک اٹلی میں اس وبا نے بہت زیادہ تباہی مچا ئی ہے جہاں اب تک 240436 افراد کووڈ ۔19 سے متاثر ہوئے ہیں اور 34744 افراد ہلاک ہوچکے ہیں۔خلیجی ملک ایران میں جو کورونا وائرس سے شدید متاثر ہے ،متاثرہ افراد کی تعداد 227662 تک جا پہنچی ہے اور اس مہلک وبا سے اس ملک میں 10817 افراد لقمہ اجل بن چکے ہیں۔میکسیکو نے کوروناکورونا وائرس سے متاثر ہونے کے معاملہ میں فرانس کو پیچھے چھوڑ دیا ہے جہاں متاثرہ افراد کی تعداد 220657 تک جا پہنچی ہے اور اب تک اس وائرس سے 27121 افراد ہلاک ہوچکے ہیں۔ وہیں فرانس میں کورونا وائرس کی وجہ سے صورتحال بہت خراب ہے ۔پڑوسی ملک پاکستان میں کوروناوائرس سے متاثرین کی تعداد دو لاکھ سے تجاوز کر گئی ہے اور اب تک یہاں 206512 افراد مہلک وائرس سے متاثر ہوئے ہیں اور 4167 افراد ہلاک ہوچکے ہیں۔ فرانس میں اب تک 201522 افراد متاثر ہوئے ہیں اور29816 افراد لقمہ اجل بن چکے ہیں۔ ترکی میں کورونا وائرس متاثرین کی تعداد بڑھ کر 198613 ہوگئی ہے اور 5115 افراد ہلاک ہوچکے ہیں۔ جرمنی میں 194259 افراد کورونا وائرس سے متاثر ہوئے ہیں اور 8973 افراد لقمہ اجل بن چکے ہیں۔چین میں اب تک 83531افراد متاثر ہوئے ہیں اور 4643افراد فوت ہوچکے ہیں۔ خیال رہے دنیا میں کورونا وائرس کا پہلا کیس چین کے شہر ووہان میں ملاتھا۔کورونا وائرس نے بیلجیم میں9747 ، کینیڈا میں 8566 ، نیدرلینڈ میں 6113 ، سویڈن میں 5333 ، ایکواڈور میں 4502 ، سوئٹزرلینڈ میں 1956 ، آئرلینڈ میں 1735 اور پرتگال میں 1576افراد ہلاک ہوئے ہیں۔