سنگا ریڈی ۔30 جولائی (سیاست ڈسٹرکٹ نیوز ) سنگاریڈی ضلع کلکٹر پی پروینیا نے کہا کہ چہرے کی شناخت ایپ کے ذریعہ غریب مستحق افراد کو وظائف جاری کیے جائیں گے ضلع کلکٹر نے سنگاریڈی میونسپل حدود کے تحت پوتی ریڈی پلی وارڈ آفس کا دورہ کیا کلکٹر نے کہا کہ ضعیف افراد معذوروں اور بیوہ خواتین کو مالی مدد فراہم کرنے کے مقصد سے حکومت کی طرف سے متعارف کرائی جانے والی پنشن ایک خصوصی چہرے کی شناخت ایپ کے ذریعے فراہم کی جا رہی ہیانہوں نے کہا کہ چہرے کی شناخت کرنے والی اس ایپ کے ذریعے پنشن دینے کے لیے بہت فائدہ مند ہو گا حکومت اسکیم کے تحت مستحقین کو پنشن کی رقم ہر ماہ فراہم کر رہی ہے جس کا مقصد غریب خاندانوں سے تعلق رکھنے والے ضعیف افراد معذوروں اور بیوہ خواتین کو مدد فراہم کرنا ہے انہوں نے کہا کہ پنچایت سکریٹریوں، بل جمع کرنے والوں اور برانچ پوسٹ ماسٹروں کے ذریعے حکومت کی طرف سے تیار کردہ نئے چہرے کی شناخت ایپ کے ذریعے پنشن فراہم کی جا رہی ہے انہوں نے کہا کہ ماضی میں ایسے واقعات ہوئے جن میں پنشنرز فوت ہو گئے حکومت کہ علم نہ لاتے ہوئے رقم کا غلط استعمال کیا گیا اس خصوصی ایپ کے ذریعے ایسے واقعات دوبارہ نہیں ہوں گے۔ انہوں نے کہا کہ حکومت اس مہینے سے آدھار کارڈ ڈیٹا کو لنک کرنے کے ساتھ اس نظام کو پرجوش طریقے سے لاگو کر رہی ہے نئے نظام کے تحت ضلع بھر میں پنشن کی تقسیم کی جا رہی ہے۔ انہوں نے کہا کہ ضلعی دیہی ترقیاتی تنظیم کے محکمہ پنشن کا عملہ فیلڈ لیول پر جا کر تقسیم کی نگرانی کر رہا ہے۔ انہوں نے کہا کہ موقع پر تکنیکی خرابیوں کی نگرانی کی جا رہی ہے۔کلکٹر نے کہا کہ حکومت کی طرف سے شروع کیے گئے اس اختراعی تجربے کے ذریعے حکام نے اس بات کو یقینی بنانے کیلئے اقدامات کیے ہیں کہ پنشن سے فائدہ حاصل کرنے والوں کو ان کی روزمرہ کی ضروریات کیلئے وقت پر رقوم ملیں اس موقع پر ایڈیشنل ڈی آر ڈی او سوریہ راؤ، میونسپل کمشنر سرینواس ریڈی اور متعلقہ عہدیدار موجود تھے۔
