رائے پور 22 جون (یواین آئی) چھتیس گڑھ کانگریس کے انچارج سچن پائلٹ 23 اور 24 جون کو چھتیس گڑھ کے دورے پر ہوں گے ۔ وہ پارٹی عہدیداروں، ضلع اور بلاک سطح کے قائدین سے ملاقات کرکے زمینی فیڈ بیک بھی لیں گے اور کئی مسائل پر سینئر قائدین کے ساتھ میراتھن میٹنگ کریں گے ۔پائلٹ 23 جون کو صبح 11.30 بجے پالیٹکس افیئرز کمیٹی اور سینئر لیڈروں کی میٹنگ کریں گے ۔ وہ دوپہر 12:30 بجے ریاستی ایگزیکٹو میٹنگ میں شرکت کریں گے اورسہ پہر تین بجے ضلع سٹی کانگریس کمیٹی کے صدور کے ساتھ میٹنگ میں کئی مسائل پر تبادلہ خیال کریں گے ۔ریاستی انچارج سچن پائلٹ شام 4.30 بجے فرنٹ آرگنائزیشن سیل شعبہ کے ریاستی صدور کی میٹنگ کریں گے ۔ اس کے بعد وہ رات 8 بجے کانگریس ایم ایل ایز سے بات چیت کرکے مزید حکمت عملی تیار کریں گے ۔
