نیشنل کانفرنس کے نائب صدر عمر عبداللہ نے کہا ہے کہ کشمیر میں سڑکوں پر چلنے کی پابندی ماضی میں محبوبہ مفتی کے غلط رویوں اور ارادوں کا نتیجہ ہے ،پی ڈی پی اور بی جے پی کی چار سالہ اشتراک اور انکی مخلوط حکومت نے جموں کشمیر کو تباہی اور بربادی کے سوا کچھ نہیں ملا ،اس حد تک اس ریاست کا بیڑا غرق ہوگیا کہ ہمیں خود اپنی سڑکوں پر چلنے تک کی اجازت نہیں ہے ۔اب بارہمولہ سے ادھم پور تک شاہ راہ ہفتہ میں دو دن بند رہے گی ،اور عام لوگوں کے چلنے پر بھی پابندی ہوگی اور یہ سب محبوبہ مفتی کی مہربانیوں کا نتیجہ ہے ۔
عمر عبداللہ نے ان باتوں کا اظہار کل جمعرات کو بارہمولہ کے ایک جلسہ میں اپنے ورکرس کو مخاطب کرکے کیا ۔عمر عبداللہ نے کہا کہ بہت مشکل سے 2014ء تک ہم نے ریاست کو ہم نے ایک مقام تک پہونچایا تھا ،جہاں امن و امان ترقی اور خوشحالی کا دور ودورہ تھا ۔مگر 2015ء سے جب پی ڈی پی اور بی جے پی کی مخلوط حکومت آئی تو ان سب چیزوں پر پانی پہیر گیا ،اور سب کچھ تباہ ہوگیا جو ایک نہ مٹھنے والی حقیقت ہے ۔
(سیاست نیوز)