ممبئی : مشہور بالی ووڈ اداکار سیف علی خان کو بدھ کی رات دیر گئے ان کے گھر میں چھرا گھونپنے کے بعد لیلاوتی اسپتال میں سرجری کرانی پڑی، جس کے بعد آج صبح اسپتال کے انتہائی نگہداشت کمرئے سے ڈسچارج کردیا گیا۔ اہلکار نے بتایا کہ سرجری کرنے والے ڈاکٹر نتن ڈانگے نے جمعہ کو میڈیا کو ان کی صحت کے بارے میں معلومات دیتے ہوئے کہا، ‘‘سیف علی خان کو جمعرات کی صبح 2 بجے ایک نامعلوم شخص نے مبینہ طور پر حملہ کردیا تھا۔ اداکار کے اس شدید زخمی ہونے کی وجہ سے اسپتال میں داخل کرایا گیا تھا۔ سیف کی ریڑھ کی ہڈی میں چاقو لگنے کے باعث شدید چوٹ آئی تھی اور ان کی ریڑھ کی ہڈی سے 2.5 انچ طویل چاقو نکالنے کے علاوہ اسپائنل فلوئڈ کی مرمت کے لیے سرجری کی گئی۔ سیف کی خطرے سے باہر بتائی گئی ہے ۔ اب ان کی حالت مکمل طور پر مستحکم ہے اور انہیں آئی سی یو سے نکال کر خصوصی کمرے میں منتقل کر دیا گیا ہے ۔ انہوں نے یہ بھی بتایا کہ سیف کی حالت بہتر ہے اور اب وہ چل سکتے ہیں۔ چلنے پھرنے میں کوئی حرج نہیں۔ سیف علی خان بہت اچھا محسوس کر رہے ہیںے ، وہ اچھی طرح چل سکتے ہیں، کوئی مسئلہ نہیں ہے ، زیادہ درد یا کوئی دوسری علامات نہیں ہیں، اس لیے ان کے پیرامیٹرز، ان کے زخموں اور دیگر تمام زخموں پر غور کیا جا رہا ہے ۔ انہیں آئی سی یو کے باہر ایک خصوصی کمرے میں منتقل کیا گیا ہے اور انہیں کچھ وقت آرام کرنے کا مشورہ دیا گیا ہے کیونکہ ان کی کمر پر زخم ہیں جس سے انفیکشن کا خدشہ ہے ۔ انھیں تقریباً ایک ہفتہ تک مکمل نگرانی میں رکھا جائیگا جس کی سب سے اہم وجہ یہ ہے کہ انہیں ریڑھ کی ہڈی میں چوٹ آئی تھی جس کی سرجری کر دی گئی ہے ۔ پولس نے ایک شخص میں حراست میں لے کر پوچھ تاچھ شروع کردی ہے۔ امید کی جارہی ہے کہ اس سے حملہ آور کے سلسلے میں کوئی بڑا سراغ ملے گا۔ اس مشتبہ شخص کا نام شاہد بتایا جارہا ہے۔
