’’پارٹی‘‘ کا لفظ ہر ایک کے چہرے پر مسکراہٹ بکھیردیتا ہے کیونکہ اس کا مقصد اچھی گیدرنگ، خوبصورت ملبوسات،لذیذ کھانے اور ہلاّگلاّ ہے۔ عام طور پر دیکھا جاتا ہے کہ شام کا ایونٹ ہوتو خواتین میک اَپ لک سے متعلق خاصی کنفیوڑ نظر آتی ہیں۔ کہیں آپ بھی خوشیاں بکھیرتی تقریب کے میک اَپ کیلئے کنفیوڑ تو نہیںہوتیں؟ میک اَپ لائٹ ہو یا ڈارک، اس بات کا فیصلہ آپ کے لباس کا رنگ کرتا ہے لیکن شام کی تقریبا ت کیلئے میک اَپ کا خاص خیال رکھا جاتا ہے کیونکہ شام کا میک اَپ صبح کی تقریبا ت سے قدرے مختلف ہوتا ہیاور میک اَپ لْک میں یہ تبدیلی آپ کے مزاج اور شخصیت پر بھی خوشگوار اثرات مرتب کرتی ہے۔ لہٰذا وقت، موسم اور موقع کی مناسبت سے سجیں سنوریں اور اپنی شخصیت کو ایک نیا دلکش انداز دیں اور یہ انداز آپ کو کیسے دینا ہے، آئیے اس پر بات کرتے ہیں۔
چاراسٹیپ بیس: ہمارے ہاں اکثر خواتین کوبیس کے استعمال کااصل مقصد معلوم نہیں، زیادہ ترخواتین بیس کااستعمال گورا نظر آنے کیلئے کرتی ہیں، یہ تصور قطعاََ درست نہیں۔ بیس یہ ذہن میں رکھ کر لگائیں کہ آپ نے بیس کا استعمال چہرے کے خدوخال ابھارنے کیلئے کرنا ہے، نہ کہ رنگ گورا کرنے کیلئے، شام کے میک اَپ کیلئے چاراسٹیپ بیس کاانتخاب بھی کیا جاسکتا ہے۔ ٭ پہلا مرحلہ پرائمر کا ہے، جِلد کو نرم و ملائم رکھنے کیلئے معیاری پرائمر لگائیں، پانچ منٹ انتظار کریں تاکہ یہ پرائمر آپ کی جِلد میں اچھی طرح سے جذب ہوجائے۔ پرائمر کی مقدار کا خاص خیال رکھیں، اگر یہ زیادہ لگ جائے تو ٹشو سے صاف کرلیں۔ ٭دوسرا مرحلہ فاونڈیشن کا ہے، اس کیلئے اسفنج کا استعمال کریںجو قدرے گیلا ہو۔ ایک اچھے فاونڈیشن کو میک اَپ کی بنیاد تسلیم کیا جاتا ہے۔ فاونڈیشن یا بیس جو بھی آپ کی جِلد کی ساخت کے مطابق ہو ہاتھ کی ہتھیلی پر رکھیں، چہرے کے درمیان سے شروع کریں اور باہر کی طرف لگائیں، ٹھوڑی اور گالوں پر بھی اچھی طرح لگائیںمگر خیال رہے کہ جِلد پربیس کی تہہ نہ چڑھے بلکہ اس کاتاثر ہلکا پھلکا سارہے۔ ٭ تیسرا مرحلہ کنسیلر کا ہے لیکن اگر آپ کا چہرہ داغ دھبوں سے پاک ہے تو کنسیلر کی ضرورت نہیں لیکن اگر جِلد پر داغ دھبے ہیں تو انھیں کنسیلر سے چھپانا ضروری ہے۔ ٭ بلشر کا استعمال میک اَپ فنشگ کے طور پر کیا جاتا ہے۔ کنپٹی کے پاس سے شروع کر کے گال کی ہڈی تک لائیں مگر جیسے جیسے ہڈی کی طرف جائیںشیڈ کو ہلکا کرتی جائیں۔ اس کے علاوہ چہرے کے خدوخال کو ہائی لائٹ کرنے کیلئے اگر آپ لائٹ براون کلر کا ہائی لائٹر استعمال کریں تو بھی مناسب رہے گا۔
بولڈ لپ اسٹک کلرز : شام کی تقریبات کیلئے لائٹ کے بجائے ڈارک لپ اسٹک کلرز کا انتخاب کریں۔ اگر آپ کا آئی میک اَپ لائٹ ہے تو ڈارک لپ اسٹک اس کیلئے بہترین ثابت ہوگی۔ اس کے علاوہ ایک ہی شیڈ میں لپ اسٹک لگانے کے بجائے دویا تینشیڈ ملاکر بھی کوئی منفرد شیڈ بنایا جاسکتا ہے۔ لیکن اگر آپ کا آئی میک اَپ ڈارک ہے تو لائٹ لپ اسٹک لگانے کی کوشش کریں۔
آئی میک اَپ : بیوٹی ایکسپرٹ کے مطابق دن کیلئے لائٹ میک اَپ زیادہ مناسب رہتا ہے لیکن شام کی تقریبات کیلئے ڈارک آئی شیڈو کلرز کا انتخاب کیا جاسکتا ہے۔مثلاََ شمری (Shimmery)، گلیٹر اور اسموکی آئی میک اَپ میں سے کسی بھی ایک کا انتخاب کیا جاسکتا ہے لیکن اگر ٹرینڈز کی بات کی جائے تو ان دنوں خواتین میں گلیٹر آئی میک اَپ زیادہ مقبول ہے۔ گلیٹر کا انتخاب تقریب کی مناسبت سے کیا جانا چاہیے مثلاً اگر عام تقریب میں جانا ہیتوگولڈن گلیٹر کو لان یا کاٹن کے سوٹ کے ساتھ لگایا جائے تو یہ آپ کی تیاری میں شاہانہ انداز کی جھلک پیدا کردیتا ہے۔ اس کے علاوہ گلیٹر لائنر بھی ان دنوں خواتین میں خاصے مقبول ہیں۔ اگر شادی بیاہ کی تقریب ہے تو گلیٹر کے مختلف رنگوں کو ملا کر بھی بہترین شیڈز ترتیب دیے جاسکتے ہیں مثلاً سلور،پنک اور پرپل رنگوں سے مزین آئی میک اَپ منفرد اور خوبصورت انداز فراہم کرنے کیلئے بہترین ہے۔
کنٹورنگ : چہرے کے خدوخال اور بناوٹ میں مزید خوبصورتی پیدا کرنے کیلئے کنٹورنگ کا ستعمال کیا جاتا ہے مثلاً اگر آپ چاہتی ہیں میک اَپ کے بعد آپ کا چہرہ پتلا، لمبا یا پھر ناک پتلی نظر آئے تو اس کیلئے کنٹورنگ کریں۔ لیکن ایک بہترین پارٹی میک اَپ لک کیلئے ڈارک کنٹورنگ سے گریز کرنا چاہئے کیونکہ کنٹورنگ کیلئے زیادہ گہرے شیڈز کا استعمال چہرے پر برا تاثر چھوڑتا ہے۔
٭٭٭٭
