قطب اللہ پور اور پٹن چیرو میں درجہ حرارت 10ڈگری
حیدرآباد 30دسمبر(سیاست ڈاٹ کام)شمالی تلنگانہ میں سردی کی لہر میں اضافہ ہوا ہے ۔ضلع عادل آباد میں درجہ حرارت 5ڈگری سلسیس درج کیاگیا۔محکمہ موسمیات نے انتباہ دیا ہے کہ ضلع کے نرمل،آصف آباد،منچریال اور پداپلی اضلاع میں سردی کی لہر برقراررہے گی۔دوسری طرف شہر حیدرآباد کے حکیم پیٹ میں درجہ حرارت 11.5ڈگری سلسلیس درج کیاگیاجو معمول سے 4.3ڈگری کم ہے ۔شہر کے پٹن چیرو،قطب اللہ پور اوراوپل علاقوں میں درجہ حرارت 10تا12ڈگری سلسیس کے درمیان درج کیاگیا ہے ۔محکمہ موسمیات حیدرآباد کے عہدیداروں نے بتایا کہ سردی کی لہرشمالی تلنگانہ میں جاری ہے کیونکہ شمالی ہند سے سرد ہوائیں چل رہی ہیں۔اس کا اثر جنوبی تلنگانہ پر پڑنے کے امکانات کم ہیں۔
