کولہاپور: کی لیڈر سشماآندرے جمعہ کو اس حادثہ سے بال بال بچ گئیں جب انہیں لینے آ رہا ہیلی کاپٹر مہاراشٹر کے مہاڈ کے قریب حادثے کا شکار ہو گیا۔ذرائع کے مطابق، ہیلی کاپٹر نے رائے گڑھ ضلع کے علی باغ میں مہاڈ سے اندھارے کو لینے کے لیے اڑان بھری تھی، جو خواتین کی ریلی میں شرکت کے لیے بارامتی جا رہی تھی، تبھی اچانک حادثے کا شکار ہو گیا۔ پائلٹ کو مقامی گاؤں والوں نے بچا لیا۔آندرے نے بعد میں صحافیوں کو بتایا کہ انہیں منڈن گڑھ اور روہا میں انتخابی ریلیوں کے لیے روانہ ہونا تھا اور یہ حادثہ ان کی روانگی سے چند منٹ قبل پیش آیا۔ انہوں نے کہا کہ جب ہیلی کاپٹر حادثہ ہوا تو ہم ہیلی پیڈ کے قریب تھے ۔ اسی دوران ہیلی کاپٹر دو تین سیکنڈ تک منڈلاتا رہا اور اچانک ایک زوردار آواز ہوئی۔ پہلے تو مجھے کچھ سمجھ نہیں آیا۔ بعد میں آس پاس کے لوگوں نے مجھے واقعہ کے بارے میں بتایا۔انہوں نے کہا کہ مجھے کیپٹن کی فکر تھی لیکن وہ ٹھیک ہیں۔
