نئی دہلی 10 جنوری (سیاست ڈاٹ کام) اسرائیل کے بشمول پانچ ملکوں کے سفیروں نے اپنے کاغذات تقرری آج صدرجمہوریہ رام ناتھ کووند کو پیش کردیئے۔ راشٹرپتی بھون کے جاری کردہ بیان میں کہا گیا ہے کہ اسرائیل کے سفیر اون ملکا، جمہوریہ مالی کے سفیر سیکو کیسے، جمہوریہ بیلاروس کے سفیر انڈری ریزوسکے، سفیر جمہوریہ لائیو یونیمے چونگم، جمہوریہ نائجیر کے سفیر لیکواڈو نے اپنے کاغذات تعیناتی پیش کئے ہیں۔