جے پور: راجستھان اینٹی گینگسٹر ٹاسک فورس (اے جی ٹی ایف) نے لارنس-روہت گودارا گینگ کے سرگرم رکن آدتیہ جین عرف ٹونی کو دبئی سے گرفتار کیا ہے ۔سرکاری ذرائع کے مطابق اسے جمعہ کی صبح دبئی سے گرفتار کیا گیا اور جے پور لایا گیا۔ وہ گینگ کے کنٹرول روم کے طور پر کام کر رہا تھا اور گینگ کو ڈبہ کال کرنے کی سہولت فراہم کر رہا تھا۔ وہ گزشتہ برسوں میں گینگ کی جانب سے بھتہ خوری، فائرنگ اور دیگر جرائم کے متعدد مقدمات میں مطلوب تھا۔ انٹرپول نے ان کے خلاف ریڈ نوٹس جاری کیا تھا۔اے جی ٹی ایف کے اے ایس پی سدھانت شرما کی نگرانی میں سی آئی منیش شرما، سنیل جانگڈ اور رویندر پرتاپ پر مشتمل ایک ٹیم نے اسے یو اے ای میں ٹریس کیا اور سی بی آئی کے ذریعے یو اے ای کو انٹرپول ریفرنس بھیجا گیا۔ اس ریڈ نوٹس اور انٹرپول ریفرنس کی بنیاد پر یو اے ای کے پولیس حکام نے آدتیہ جین کو حراست میں لیا اور راجستھان اے جی ٹی ایف اسے گرفتار کر کے جے پور لائی ہے ۔
