ریاض؍ بیروت: لبنان کی مدد کیلئے سعودی عرب سے 19 واں طیارہ آج منگل کو بیروت پہنچ گیا ہے۔سبق ویب سائٹ کے مطابق ریاض کنگ خالد انٹر نیشنل ایئرپورٹ سے بیروت کے رفیق الحریری ایئرپورٹ کیلئے روانہ ہونے والے طیارے میں مختلف امدادی سامان موجود ہے۔انتظامیہ نے کہا ہے کہ ’طیارہ میں غذائی اشیا کے علاوہ، طبی سامان، کمبل، خیمے اور سلیپنگ پیگز ہیں‘۔واضح رہے کہ خادم حرمین شریفین شاہ سلمان بن عبد العزیز اور ولی عہد شہزادہ محمد بن سلمان کی ہدایت پرلبنانی عوام کی مدد کیلئے فضائی پل قائم کیا گیا ہے۔
