مدھیہ پردیش کے 3 ارکان اسمبلی کورونا سے متاثر

   

بھوپال: مدھیہ پردیش میں کورونا متاثرین کے معاملات میں اضافہ کے درمیان بی جے پی کے رکن اسمبلی دویندر ورما آج کورونا سے متاثر ملے ۔ریاست کے کھنڈوا سے بی جے پی کے رکن اسمبلی دویندر ورما کی کورونا رپورٹ پازیٹیو آئی ہے ۔ طبیعت ناساز محسوس ہونے پر انہوں نے کورونا ٹیسٹ کے لئے نمونہ دیا تھا۔ آج ان کی رپورٹ پازیٹیو آئی ہے ۔ مسٹر ورما نے ٹوئٹ کے ذریعہ کہا کہ ان کے رابطہ میں آنے والے لوگ کورونا ٹیسٹ کرالیں۔ریاست کے مہیشور سے کانگریس کے رکن اسمبلی وجے لکشمی سادھو اور بیتول سے کانگریس کے رکن اسمبلی نیل ڈاگا بھی کورونا وائرس سے متاثر ملے ہیں۔