نئی دہلی: الیکشن کمیشن نے سپریم کورٹ میں حلف نامہ داخل کر کے مذہبی ناموں اور نشانات کے ساتھ انتخابی نشان استعمال کرنے والی سیاسی جماعتوں کے خلاف کارروائی کا مطالبہ کیا ہے۔ الیکشن کمیشن نے مذہبی نام اور نشانات استعمال کرنے والی سیاسی جماعتوں کی رجسٹریشن منسوخ کرنے کی درخواست کی مخالفت کردی کمیشن نے کہا کہ کوئی بھی اصول مذہبی تناظر یا معنی رکھنے والی انجمنوں کو خود کو سیاسی جماعتوں کے طور پر رجسٹر کرنے سے نہیں روکتا۔ ایک حلف نامے کے ذریعے الیکشن کمیشن نے سپریم کورٹ کو بتایا کہ 2005 سے اب تک کسی سیاسی جماعت کے نام پر کوئی مذہبی حوالہ نہیں دیا گیا ای سی آئی نے یہ بھی کہا کہ رجسٹریشن کے لیے درخواست دینے والی جماعتوں کو آئین اور سوشلزم، سیکولرازم اور جمہوریت کے اصولوں پر عمل کرنا ہوگا۔ سیاسی جماعتوں کے ناموں اور نشانوں میں مذہب کے استعمال کو چیلنج کرنے والی درخواستوں کی سماعت کے دوران انڈین یونین مسلم لیگ (آئی یو ایم ایل) کے وکیل دشینت ڈیو نے سپریم کورٹ سے کہا کہ درخواست گزار نے صرف مخصوص جماعتوں کو ہی کیوں نشانہ بنایا؟ اس نے شیو سینا اور شرومنی اکالی دل کے نام کیوں نہیں لکھے۔
