نئی دہلی: ملک میں گذشتہ 24 گھنٹوں کے دوران کورونا سے 1096 اموات سے شرح اموات 1.74 فیصد ہوگئی ہے ۔صحت اور خاندانی بہبود کی مرکزی وزارت کے اعداد و شمار کے مطابق، 3 ستمبر کو ملک بھر میں 1096 کورونا سے متاثرہ افراد کی موت ہوئی جس سے اب تک اس انفیکشن کی وجہ سے اپنی جانیں گنوانے والوں کی تعداد 68000 سے بڑھ کر 68472 ہوگئی ہے ۔ .آج وزارت کے جاری کردہ اعداد و شمار کے مطابق گجرات میں اموات کی شرح 3.1 فیصد اور مہاراشٹرا میں 3.0 فیصد ہے ۔ اس کے علاوہ پنجاب میں اموات کی شرح 2.9 فیصد، دہلی میں 2.5 فیصد، مدھیہ پردیش میں 2.2 فیصد، مغربی بنگال میں 2.0 فیصد، جموں و کشمیر میں 1.9 فیصد، تمل ناڈو میں 1.7 فیصد، کرناٹک میں 1.6 فیصد، اتر پردیش 1.5 فیصد ، راجستھان میں 1.3 فیصد، ہریانہ میں 1.1 فیصد، جھارکھنڈ میں 1.0 فیصد، آندھرا پردیش میں 0.9 فیصد، چھتیس گڑھ میں 0.8 فیصد، تلنگانہ میں 0.6 فیصد، اوڈیشہ میں 0.5 فیصد، بہار میں 0.5 فیصد، کیرلا میں 0.4 فیصد اور آسام میں 0.3 فیصد ہے ۔مہاراشٹرا میں، 3 ستمبر کو سب سے زیادہ 391 کورونا متاثرین نے اپنی جان گنوائی ہے ۔
