نینی تال؍کاشی پور ۔ انڈین انسٹی ٹیوٹ آف مینجمنٹ (آئی آئی ایم)، کاشی پور کے نویں کنووکیشن میں وزیر اعظم کے اقتصادی مشیر سنجیو سانیال نے کہا کہ آئی آئی ایم کے طلباء ملک کی ترقی میں اہم کردار ادا کرتے ہیں۔ سانیال نے جمعہ کو کاشی پور میں آئی آئی ایم کے نویں کنووکیشن میں کہا کہ آئی آئی ایم کے طلباء نے نہ صرف ہندوستان بلکہ دنیا بھر کے ممالک میں صنعتی ترقی، سماجی شعبے اور اختراع کے میدان میں اپنی صلاحیتوں کا مظاہرہ کیا ہے ۔ انہوں نے کہا کہ ہندوستان جیسے متنوع ملک میں، آئی آئی ایم کے طلباء اپنے علم اور تحقیق کے ذریعہ نئی بلندیوں سر کر رہے ہیں، جس سے ملک میں اقتصادی خوشحالی اور نئی پیشہ ورانہ ٹیکنالوجی کو اپنانے میں مدد مل رہی ہے ۔ اس موقع پر انہوں نے ادارے کے ہونہار طلباء کو گولڈ میڈلز سے نوازا۔ اس موقع پر خطاب کرتے ہوئے ڈاکٹر سنجیو سنگھ، چیئرمین بورڈ آف گورننس، آئی آئی ایم کاشی پور نے کہا کہ آئی آئی ایم کے طلباء سخت تربیت، وسیع مطالعہ اور نئے انتظامی طریقوں سے سیکھ کر ہندوستان کی شمولیاتی ترقی میں اپنا کردار ادا کریں گے ۔
