بھوپال؍ بنگلورو: مدھیہ پردیش کے وزیر اعلی شیوراج سنگھ چوہان نے آج کانگریس پر سخت حملہ کرتے ہوئے کہا کہ وزیر اعظم نریندر مودی سانپ نہیں ہیں، وہ ملک کی سانس ہیں اور کرناٹک کو کرپٹ ایس ایم ایس سے بچانا ہے ۔ چوہان نے کرناٹک انتخابی مہم کے دوران اپنے بیان میں کہا کہ وزیر اعظم مودی سانپ نہیں بلکہ ملک کی سانس ہیں۔لوگوں کی امید اور لوگوں کا اعتماد۔ جس طرح آکسیجن پورے جسم کو زندگی اور توانائی سے بھر دیتی ہے ، اسی طرح مودی نے ملک کو نئی زندگی دی ہے ۔ چوہان نے کہا کہ کانگریس وش کمبھ بن گئی ہے ۔ وہ مودی کے بارے میں زہر اگلتی رہتی ہے ۔ کانگریس کے وش کمبھ سے زہریلے بیانات سامنے آرہے ہیں لیکن مسٹر مودی زہر پی جانے والے نیل کنٹھ ہیں۔ اس کے ساتھ ہی چوہان نے کانگریس کے تمام سینئر لیڈروں پر حملہ کرتے ہوئے کہا کہ کرناٹک کو ایس ایم ایس سے بچانا ہے ۔ ایس ایم ایس کا مطلب ہے سدارامیا، ملک ارجن کھڑگے اور شیوکمار۔ اس سلسلے میں انہوں نے کہا کہ جس طرح ایک کرپٹ میسج موبائل کو خراب کر دیتا ہے ، اسی طرح یہ کرپٹ ایس ایم ایس کرناٹک کا مستقبل خراب کر دے گا۔
