حیدرآباد ۔ 23 ۔ دسمبر : ( سیاست نیوز) : ایچ ایم ڈی اے مرکزی شہر گریٹر حیدرآباد سے آوٹر رنگ روڈ تک موٹر سائیکلوں کی آسانی سے نقل و حرکت کو آسان بنانے کیلئے دو بلند راہداریوں کی تعمیر کا منصوبہ بنا رہا ہے ۔ سکندرآباد سے آوٹر رنگ روڈ تک براہ راست رسائی فراہم کرنے کیلئے حیدرآباد ۔ ناگپور روٹ پر ایک ایلیوٹیڈ کوریڈور پر کام پہلے ہی شروع کیا جاچکا ہے ۔ حیدرآباد ۔ کریم نگر روٹ پر سکندرآباد پیراڈائز سے شاہ میر پیٹ تک ایک اور ایلیوٹیڈ کوریڈور پر کام جلد شروع ہوگا ۔ ان دو راہداریوں کے علاوہ ایک اور ایلیوٹیڈ کوریڈور بنجارہ ہلز نمبر 12 سے ججس کالونی ، درگم چیرو سائیڈ سے ، گچی باولی میں شلپا لے آوٹ کے راستے براہ راست اوٹر رنگ روڈ تک جانے کا منصوبہ بنایا گیا ہے ۔ اسی طرح ایچ ایم ڈی اے کے عہدیدار شیخ پیٹ نالہ سے گنڈی پیٹ میں سی بی آئی ٹی تک 200 فٹ سڑک کی تعمیر کا منصوبہ بنا رہے ہیں ۔ وہ اسے ڈیزائن کررہے ہیں تاکہ مستقبل میں اس روٹ پر ایک ایلیوٹیڈ کوریڈور بنایا جاسکے ۔ بیرونی رنگ روڈ کو دارالحکومت کے کسی بھی حصے تک آسان رسائی فراہم کرنے کے لیے ایک زیور کی شکل کے طور پر بنایا گیا ہے ۔ آوٹر رنگ روڈ پر گاڑیوں کی بھیڑ ، آوٹر رنگ روڈ سے اترنے کے بعد ٹریفک جام کے باعث شہر کے مختلف علاقوں تک پہنچنا مشکل ہورہا ہے ۔ شہر کے مختلف حصوں سے آوٹر رنگ روڈ تک پہنچنا بھی شہر والوں کے لیے ایک چیلنج بنتا جارہا ہے ۔ حیدرآباد کے کورسٹی ایریا کے لیے اندرونی رنگ روڈ ، مہدی پٹنم ، آرام گھر ، چندرائن گٹہ ، ساگر رنگ روڈ ، ایل بی نگر ، ناگول ، اپل ، حبشی گوڑہ ، تارناکہ ، سکندرآباد ، پیراڈائز ، بیگم پیٹ ، پنجہ گٹہ ، بنجارہ ہلز ، مانصاحب ٹینک سے ہوتا ہوا مہدی پٹنم تک اس اندرونی رنگ روڈ سے باہر تک جانے کیلئے تمام موجودہ رابطہ سڑکیں ٹریفک سے بھری پڑیں ہیں ۔ اس تناظر میں ایچ ایم ڈی اے نے نئے متبادل راستے اندرونی رنگ روڈ سے آوٹر رنگ روڈ تک لانے کیلئے اقدامات کئے ہیں ۔۔ ش