نریندر مودی نے نوٹوں کی منسوخی، غلط جی ایس ٹی، چھوٹے تاجروں اور صنعتوں کیخلاف فیصلے کرکے انہیں برباد کردیا:راہول گاندھی
رانچی: راہول گاندھی کی قیادت میں جاری نیائے یاترا آج بنگال سے نکل کر ناسی پور موڑ کے راستے جھارکھنڈ میں داخل ہوئی۔ جھارکھنڈ میں یاترا کا افتتاح مغربی بنگال کانگریس کے صدر ادھیر رنجن چودھری نے جھارکھنڈ پردیش کانگریس صدر راجیش ٹھاکر کو ناسی پور موڑ میں جھنڈا منتقل کر کے کیا۔ اس کے بعد جھارکھنڈ کے 13 اضلاع سے گزر کر 804 کلو میٹر کا فاصلہ طے کرنے والی نیائے یاترا جھارکھنڈ میں باقاعدہ طور پر شروع ہوئی۔ ناسی پور موڑ پر منعقدہ جلسہ عام سے خطاب کرتے ہوئے راہول گاندھی نے کہا کہ ایک سال پہلے ہم نے بھارت جوڑو یاترا کی تھی، اس دوران ہم جن ریاستوں میں نہیں پہنچ سکے تھے وہاں کے لوگوں سے ملنے اور ان سے بات کرنے کے لئے ہم نے بھارت جوڑو نیائے یاترا شروع کی ہے ۔ آج بی جے پی اور آر ایس ایس کے لوگوں کی ملک میں پھیلائی ہوئی نفرت اور تشدد کے خلاف کھڑے ہونا ہمارا فرض ہے ۔ آج ملک میں کروڑوں لوگوں کے ساتھ ناانصافی ہو رہی ہے کیونکہ نریندر مودی نے نوٹوں کی منسوخی، غلط جی ایس ٹی، چھوٹے تاجروں اور صنعتوں کے خلاف فیصلے کرکے انہیں برباد کر دیا ہے ، بی جے پی نے اس ملک میں روزگار ریڑھ کی ہڈی ہے جسے بی جے پی نے توڑ دیا جس کا نتیجہ یہ ہے کہ آج ملک میں سب سے زیادہ بے روزگاری کی شرح ہے۔ انہوں نے کہا کہ نریندر مودی چاہتے ہیں کہ ہندوستان کے نوجوانوں کو روزگار نہ ملے اور اس ملک کا پیسہ چند ارب پتیوں کے ہاتھ میں ہو۔ اس یاترا کے ذریعے ہم ملک کے لوگوں کے سامنے کسانوں کے ساتھ ناانصافی، نوجوانوں کے ساتھ ناانصافی، قبائلیوں کے ساتھ ناانصافی، خواتین کے ساتھ ناانصافی کو رکھنا چاہتے ہیں۔
بنگال میں اتحاد کے امکانات ختم نہیں ہوئے ہیں :راہول
کولکاتا: وزیراعلیٰ ممتا بنرجی اگرچہ بنگال میں اکیلے انتخاب لڑنے کا اعلان کیا ہے تاہم بھارت جوڑو نیائے یاترا میں مصروف راہول گاندھی نے آج کہا ہیکہ بنگال میں اتحاد کا امکان ختم نہیں ہوا۔ جو مسئلہ ہے وہ جلد حل ہو جائے گا۔جب کہ راہول کے اس دعویٰ کو ممتا بنرجی نے تھوڑی دیر میں رد کردیا اور ان پر طنز کیا کہ وہ بنگال میں فوٹو شوٹ کررہے ہیں۔راہول نے جمعہ کو دوپہر ایک بجے کے قریب اپنے ایکس ہینڈل پر ایک ویڈیو پوسٹ کیا ہے ۔جس میں وہ پارٹی لیڈروں اور ورکروں سے بات کررہے ہیں ۔کچھ نوجوانوں کے سوالوں کا جواب دیتے ہوئے راہول بنگال میں اتحاد پر تبصرہ کرتے ہوئے نظر آرہے ہیں ۔ان سے بنگال میں اپوزیشن اتحاد’’انڈیا‘‘ کے مستقبل کے بار ے میں سوال کیا گیا ۔راہول نے جواب دیا کہ ‘‘ہم یہ نہیں کہہ رہے ہیں کہ کوئی اتحاد نہیں ہے ۔ ممتا بنرجی بھی نہیں کہہ رہی ہیں۔