مقبوضہ بیت المقدس: اقوام متحدہ نے کہا ہے کہ الشیخ جراح میں نہتے فلسطینیوں کے خلاف طاقت کا استعمال قابل مذمت ہے جبکہ القدس اب بھی مقبوضہ فلسطینی اراضی کا حصہ ہے۔بین الاقوامی میڈیا کے مطابق اقوام متحدہ کی طرف سے جاری کردہ بیان میں کہا گیا کہ قابض ریاست کی طرف سے الشیخ جراح میں نہتے فلسطینیوں کے خلاف طاقت کا استعمال، نہتے مظاہرین کی مار پیٹ اور ان کی گرفتاری قابل مذمت اور بین الاقوامی قوانین کی کھلی خلاف ورزی ہیں۔اقوام متحدہ کے بیان میں مزید کہا گیا ہیکہ القدس اب بھی مقبوضہ فلسطینی اراضی کا حصہ ہے، اسرائیل کی طرف سے فلسطینی اراضی میں قانونی اور انتظامی سرگرمیاں باطل اور بین الاقوامی قوانین کی خلاف ورزی ہیں۔خیال رہیکہ فلسطین کے مقبوضہ بیت المقدس شہرمیں گذشتہ دو روز کے دوران اسرائیلی فوج کی طرف سے فلسطینیوں کو نکال باہر کرنے کی کوشش کے دوران درجنوں فلسطینی زخمی ہوچکے ہیں۔دوسری جانب القدس میدان جنگ میں تبدیل ہوچکا ہے۔
