بنگلورو، 11 جون (یو این آئی) انفورسمنٹ ڈائریکٹوریٹ (ای ڈی) نے کرناٹک مہارشی والمیکی شیڈیولڈ ٹرائبس ڈیولپمنٹ کارپوریشن لمیٹڈ (کے ایم وی ایس ٹی ڈی سی ایل) گھپلے کے سلسلے میں منگل کو کرناٹک بھر میں آٹھ مقامات پر چھاپے مارے ، جس میں کانگریس کے اراکین اسمبلی کی رہائش گاہوں کو نشانہ بنایا گیا۔ سرکاری ذرائع کے مطابق بیلاری میں پانچ اور بنگلورو میں تین مقامات پر تلاشی جاری ہے ۔ کانگریس ایم ایل اے نارا بھارت ریڈی، جے این گنیش، ڈاکٹر این ٹی سرینواس اور پارٹی ایم پی ای تکارام سے جڑے احاطے کی تلاشی لی جارہی ہے ۔ ای ڈی نے ابھی تک کوئی سرکاری بیان جاری نہیں کیا ہے ۔
حکمراں کانگریس نے اس کارروائی کو ‘‘سیاست سے متاثر’’ قرار دیا جبکہ بھارتیہ جنتا پارٹی (بی جے پی) کے رہنماؤں نے قصوروار پائے جانے والوں کے خلاف سخت کارروائی کا مطالبہ کیا۔
