واشنگٹن : پہلے صارفین فون میں صرف ایک واٹس ایپ اکاؤنٹ استعمال کر سکتے تھے لیکن اب وہ واٹس ایپ اکاؤنٹ 4فو نز میں استعمال کر سکتے ہیں۔ آئیے جانتے ہیں کہ کیسے؟واٹس ایپ اینڈرائیڈ اور آئی او ایس دونوں کے لیے ایک بڑا اپڈ یٹ لایا ہے۔ یہ ایک ایسا اپڈیٹ ہے، جس کا بہت سے لوگ بے صبری سے انتظار کر رہے تھے۔ ساتھ ہی کچھ لوگ یہ بھی چاہتے تھے کہ پرائیویسی کی وجہ سے ایسی کوئی اپڈیٹ نہ لائی جائے۔ دراصل واٹس ایپ کی نئی اپ ڈیٹ صارفین کو چار فونز میں ایک اکاؤنٹ استعمال کرنے کی سہولت دے رہی ہے۔ اب تک، صارفین ڈیسک ٹاپ اور لیپ ٹاپ جیسے مختلف آلات پر ایک اکاؤنٹ استعمال کر سکتے تھے لیکن فون پر نہیں۔ تاہم اب سب کچھ بدل جائے گا۔پہلے صارفین واٹس ایپ اکاؤنٹ صرف ایک فون میں استعمال کر سکتے تھے لیکن اب وہ واٹس ایپ اکاؤنٹ 4 فونز میں استعمال کر سکتے ہیں۔ اس کے لیے صارفین کو سائن آؤٹ کرنے کی بھی ضرورت نہیں پڑے گی اور نہ ہی کسی دوسرے فون میں واٹس ایپ کھولنے سے چیٹ کا نقصان ہوگا۔ نئے فیچر سے خاص طور پر چھوٹے کاروباری مالکان کو فائدہ ہوگا۔ اس خصوصیت کے ساتھ، آپ کا کوئی بھی ملازم اب اسی بزنس اکاؤنٹ سے صارفین کو جواب دے سکے گا۔سیٹنگس میں ڈیوائس کو لنک کریں پر ٹیاپ کریں۔ اپنے پرائمری فون کو اس ڈیوائس کی اسکرین پر رکھیں جس کو آپ لنک کرنا چاہتے ہیں، اور QR کوڈ اسکیان کریں۔
