حیدرآباد۔ حیدرآباد سے رائچور آکسیجن ٹینکرس منتقل کرنے والی ایک ٹرین میں آج پیدا پلی ریلوے اسٹیشن کے قریب چیکورائے کے مقام پر آگ لگ گئی ۔ تفصیلات کے بموجب جیسے ہی ٹرین چیکورائی پہونچی ایک ٹینکر میں آگ لگ گئی ۔ ریلوے کے چوکس عہدیداروں نے 38 نمبر ریلوے گیٹ پر ٹرین کو روک دیا اور پولیس کو اطلاع دی ۔ پولیس اور فائر سروسیس کے عہدیدار جائے واقعہ پر پہونچے اور اس ٹینکر کو دوسرے آکسیجن ٹینکر سے علیحدہ کردیا ۔ بعد میں آگ پر قابو پالیا گیا ۔ عہدیداروں نے اس بات پر تشویش کا اظہار کیا کہ ٹینکر کے اوپر ایک برقی تار تھا جس کی وجہ سے آگ لگی ۔ تاہم فائر سروسیس کے عملہ نے آگ پر قابو پالیا ۔
