خفیہ ایجنسیوں کے ان پٹ اور فوج کے انٹرنل ریویو کے بعد ہندستانی فوج نے پاکستانی سرحد پرایئرڈیفینس یونٹ تعینات کرنے کا فیصلہ کیا ہے۔ یہ فیصلہ پاکستان کی جانب سے فضائی حملوں کے مد نظر لیا گیا ہے۔ فوج کا یہ دفاعی انتظام پاکستان کے ہرفضائی حملے کو ناکام کرنے کی صلاحیت رکھتا ہے۔
ہندستانی فوج کے ذرائع نے نیوز ایجنسی اے این آئی کو بتایا کہ پاکستانی بارڈر کی گھیرابندی کے تحت کئی فوجی ٹکڑیاں اورایئر ڈیفینس یونٹ کو بھی تعینات کیا جائے گا۔ معلومات کے مطابق اس ڈیفینس سسٹم کو سرحد کے اور نزدیک لے جانے سے دشمن کی جانب سے ہونے والی کسی بھی فضائی کارروائی کو وقت رہتے روکا جا سکتا ہے۔