بیجنگ 28ستمبر(سیاست ڈاٹ کام)چین کے شہر ژینگ ژاؤ میں سابق میئر کے گھر سے بیش بہا خزانہ نکل آیا۔غیرملکی میڈیا کے مطابق انسداد بدعنوانی اہلکاروں نے ژینگ ژاؤ کے سابق میئر کے گھر پر چھاپہ مارا تو خفیہ بیسمنٹ سے ساڑھے 13 ٹن سونا اور 7 ہزار ارب روپے سے زائد مالیت کی کرنسی برآمد ہوئی۔تفتیش کے دوران اہلکاروں نے ہزاروں مربع میٹر پر بنے گھر سے بیش قیمت آرٹ ورک اور دیگر سامان بھی برآمدکئے جسے کئی ٹرکوں میں ڈال کر لے جایا گیا۔
امریکہ کے خلاف ممکنہ مجرمانہ خلاف ورزی کی تفتیش ہو:روڈرگس
اقوام متحدہ، 28 ستمبر (اسپوتنک) وینزویلا کی نائب صدر ڈیلسی روڈرگس نے اقوام متحدہ کی جنرل اسمبلی کے اجلاس کے دوران کہا کہ وہ امریکہ کے ممکنہ مجرمانہ خلاف ورزی کے خلاف تحقیقات کا مطالبہ کرتی ہیں۔مسز روڈرگس نے کہا، وینزویلا کو غیر مستحکم کرنے کے لئے ہمارے خلاف نیم فوجی اور مجرمانہ گروہ چلائے جا رہے ہیں۔ وسطی امریکہ اور مشرق وسطی کے ممالک کو بھی اس کا علم ہے ۔