بیجنگ، 22 جنوری (سیاست ڈاٹ کام) چین میں نئے کوروناوائرس کی زد میں آکر مرنے والوں کی تعداد بڑھ کر نو ہو گئی ہے ،جبکہ اس وائرس کی زد میں آنے والوں کی تعداد کے 440 یؤہوگئی ہے ۔چین کے نیشنل ہیلتھ کمیشن کے نائب صدر لی بن نے بدھ کو نامہ نگاروں کو یہ اطلاع دی۔ انہوں نے بتایا کہ اب تک چین میں نئے کوروناوائرس کے 440 معاملات کی تصدیق کی جا چکی ہے اور اس کے انفیکشن سے نو افراد کی موت ہو گئی ہے ۔اس سے قبل بدھ کو چین کی نیشنل ہیلتھ کمیشن نے کہا تھا کہ کوروناوائرس کے 324 معاملات کی تصدیق ہوئی ہے ۔ادھر، عالمی ادارہ صحت (ڈبلیوایچ او) نے اس ہفتہ کی اپنی تازہ ترین رپورٹ میں کہا ہے کہ دنیا بھر میں نئے کوروناوائرس کے انفیکشن کے 282 نئے معاملوں کی تصدیق ہوئی ہے جن میں سے 278 کیس چین کے ہیں اور وہاں اس انفیکشن سے چھ افراد کی موت بھی ہوئی ہے ۔کوروناوائرس کی وجہ ہونے والے نمونیہ کے معاملے تھائی لینڈ، جاپان، جنوبی کوریا اور امریکہ میں پائے گئے ہیں۔ چین کے صحت کے حکام نے تصدیق کی ہے کہ اس وائرس کا انفیکشن ایک شخص سے دوسرے شخص میں پھیلتا ہے ۔امریکی نیشنل انسٹی ٹیوٹ آف ہیلتھ (این آئی ایچ ) نے منگل کو اعلان کیا تھا کہ وہ ایک ویکسین تیار کرنے پر کام کر رہا ہے جو نئے کورونوائرس کے انفیکشن کا علاج کر سکتا ہے ۔
