جلپائی گوڑی: شمالی بنگال کے آٹھ اضلاع میں علیحدہ کامتاپور ریاست کے مطالبے کو دوبارہ اٹھاتے ہوئے ، کامتاپور پیپلز پارٹی کے دو دھڑوں نے مشترکہ طور پر مغربی بنگال کے ان اضلاع میں 6 دسمبر کو 12 گھنٹے کا ‘ریل روکو’ تحریک کی پکار دی۔کامتاپور پیپلز پارٹی (متحدہ) اور کامتاپور پیپلز پارٹی (پروگریسو) کے لیڈروں نے ایک مشترکہ فورم – کامتاپور اسٹیٹ ڈیمانڈ جوائنٹ فورم – تشکیل دیا اور شمالی بنگال کے آٹھوں اضلاع میں رہنے والی کامتاپوری برادری کے لیے الگ کمتاپور ریاست کے مطالبے کی قیادت کرنے کا فیصلہ کیا ہے ۔ فورم کے صدر نکھل رائے اور نائب صدر امیت رائے نے مشترکہ طور پر 6 دسمبر کو 12 گھنٹے کی ریل روکو تحریک کا اعلان کیا۔انہوں نے منگل کو یہاں پریس کلب میں ایک میڈیا کانفرنس کے دوران نامہ نگاروں کو بتایا کہ اگر کامتاپور ریاست کا ان کا مطالبہ پورا نہیں کیا گیا تو وہ احتجاج جاری رکھیں گے ۔نکھل رائے پیپلز پارٹی کے گروپ کی نمائندگی کرتے ہیں اور امیت رائے کا تعلق ترقی پسند گروپ سے ہے ۔انہوں نے کہا کہ ان کا مطالبہ 60 کی دہائی کے اواخر سے شمالی بنگال کے آٹھ اضلاع میں نسلی کامتاپوری لوگوں کے لیے کامتاپور ریاست کے قیام کا ہے ۔
