ہندوستانی سفارت خانے میں یوم جمہوریہ کا پروگرام منسوخ
بیجنگ ۔ 26جنوری ( سیاست ڈاٹ کام ) کوروناوائرس انفیکشن کے پیش نظر بیجنگ میں ہندوستانی سفارت خانے میں یوم جمہوریہ کا پروگرام منسوخ چین میں ان دنوں پھیلے کوروناوائرس انفیکشن کے پیش نظر یہاں واقع ہندوستان سفارت خانے نے یوم جمہوریہ پر منعقد کئے جانے والے پروگراموں کو منسوخ کردیاہے۔چین میں ان دنوں پھیلے کوروناوائرس انفیکشن کے پیش نظر یہاں واقع ہندوستان سفارت خانے نے یوم جمہوریہ پر منعقد کئے جانے والے پروگراموں کو منسوخ کردیاہے۔ ہندوستانی سفارت خانے کی جانب سے جمعہ کو ایک ٹویٹ میں کہاگیا ہے،’’چین میں کوروناوائرس کے انفکیشن سے پیدا ہونے والے حالات کے پیش نظر اور زیادہ لوگوں کے ایک ساتھ جمع ہونے پرمقامی انتظامیہ کی روک لگانے سے متعلق ہدایت کو دیکھتے ہوئے سفارت میں 26جنوری کو منائے جانے والے یوم جمہوریت کی تقریب کو منسوخ کردیاگیاہے۔چین میں ان دنوں اس خطرناک وائرس کا انفیکشن دیکھنے کو مل رہا ہے اور اس کی وجہ سے اب تک 25لوگوں کی موت ہوچکی ہے اور 830دیگر بیمار ہیں۔زیادہ تر چین کے ہوبیئی صوبے میں دیکھے گئے ہیں۔چینی سائنس اور تکنیکی وزارت نے بتایا کہ اس بیماری پر قابو پانے کیلئے 14ماہرین کی ایک قومی ٹیم تشکیل دی گئی ہے۔واضح رہے کہ امریکہ،جنوبی کوریا،جاپان،ویتنام اور تھائی لینڈ میں اس بیماری کے کئی معاملوں کی تصدیق کی جاچکی ہے اور جمعرات کو عالمی ادارہ صحت نے کہا تھا کہ ابھی اسے عالمی وبا قراردینا جلد بازی ہوگی۔
