کویت سٹی: کویت انوائرمنٹ پبلک اتھارٹی نے ہوا میں کینسر پیدا کرنے والے آلودہ مواد کی موجودگی کے حوالے سے سوشل میڈیا پلیٹ فارمز پر گردش کرنے والی افواہوں کو بے بنیاد قرار دیا ہے۔ اس کا کہناہے کہ سوشل میڈیا ویب سائٹ پر گردش کرنے والی افواہیں غلط ہیں۔کویت کے محکمہ ماحولیات نے خبروں کی تصدیق اور افواہوں کا جواب دینے کے لیے KUNA آبزرویٹری کو ایک وضاحتی بیان میں کہا کہ اس کے مانیٹرنگ اسٹیشن ریاست کویت میں فضائی آلودگی کی سطح کی پیمائش کرنے کے لیے سرکاری اور قابل اعتماد ذریعہ ہیں۔اس نے وضاحت کرتے ہوئے کہاکہ یہ عوام کونگرانی کی اجازت دیتا ہے۔
