نئی دہلی: سپریم کورٹ نے یکساں سول کوڈ (یو سی سی) کے تعارف اور نفاذ پر غور کرنے کیلئے کمیٹیوں کی تشکیل کے گجرات اور اتراکھنڈ کے فیصلے کو چیلنج کرنے والی مفاد عامہ کی عرضی (PIL) پر غور کرنے سے آج انکار کر دیا۔چیف جسٹس ڈی وائی چندرچوڑ اور جسٹس پی ایس نرسمہا کی بنچ نے کہا کہ یہ درخواست میرٹ کے بغیر ہے کیونکہ انہوں نے نوٹ کیا کہ تنہا طور پر پیانل کی تشکیل کو چیلنج نہیں کیا جاسکتا۔عدالت نے ایک شخص انوپ برنوال کی عرضی کو مسترد کرتے ہوئے کہا کہ ریاستوں کو ایسا کرنے کا اختیار ہے۔درخواست میں گجرات اور اتراکھنڈ کی جانب سے یو سی سی کو تشکیل دینے کیلئے قائم کردہ کمیٹی کی تشکیل کو چیلنج کیا گیا ہے۔
