نئی دہلی : ہندوستان نے 17 دسمبر کو جنوبی بحر الکاہل میں آنے والے تباہ کن زلزلے میں بڑے پیمانے پر جان و مال کا نقصان اٹھانے والے جزیرہ نما ملک وانواتو کے لیے پانچ لاکھ ڈالر کی امداد کا اعلان کیا ہے ۔وزارت خارجہ نے آج یہاں ایک بیان میں کہا کہ 17 دسمبر کو جنوبی بحر الکاہل میں وانواتو کے ساحل پر 7.4 شدت کا زلزلہ آیا، جس میں بڑی تباہی اور جان و مال کا نقصان ہوا۔ ہندوستان نے اس بڑے آفت سے ہونے والے نقصانات اور تباہی پر وانواتو کی حکومت اور لوگوں کے ساتھ اپنی گہری تعزیت کا اظہار کیا اور مشکل کے اس وقت ہر ممکن تعاون اور مدد کرنے کے لیے اپنی تیاری کا اظہار کیا۔وزارت خارجہ نے کہا کہ فورم فار انڈیا-پیسیفک آئی لینڈز کوآپریشن (فپییک) کے تحت ایک قریبی دوست اور شراکت دار کے طور پر اور وانواتو کے دوستانہ لوگوں کے ساتھ یکجہتی کے علامت کے طور پر، حکومت ہند امدادی، بحالی اور تعمیر نو کی کوششوں میں تعاون کے لئے پانچ لاکھ امریکی ڈالر کی امداد فراہم کرتی ہے ۔قابل ذکر ہے کہ قدرتی آفات کے باعث پیدا ہونے والی مشکلات اور تباہی کے دوران ہندوستان ہمیشہ وانواتو کے ساتھ کھڑا رہا ہے ۔
