حیدرآباد ۔ ہیموگلوبن آئرن سے بھرپور پروٹین ہے جو خون کے سرخ خلیوں میں موجود ہوتا ہے اور پورے جسم میں آکسیجن لے جانے کا ذمہ دار ہے۔آئرن کی کمی انسانی جسم میں سب سے زیادہ عام غذائیت کی کمی میں سے ایک ہے۔ آئرن کی کمی کا مطلب ہیموگلوبن کی کم پیداوار ہے۔ ماہرین صحت کے مطابق کم ہیموگلوبن کمزوری، تھکاوٹ، سردرد، سانس کی قلت اور بہت سے مسائل کا باعث بنتا ہے۔ مزید یہ کہ ہیموگلوبن میں نمایاں کمی خون کی کمی جیسے مسائل کا باعث بنتی ہے لیکن اگر اپنے اردگرد نظر ڈالیں تو قدرت نے پھلوں اور سبزیوں میں ایسی غذائی اجزاء رکھے ہیں جن کے استعمال سے ہم باآسانی اپنے ہیموگلوبن کی کمی کو پورا کرسکتے ہیں۔یہاں ماہرینِ صحت اْن غذاؤں کے بارے میں بتا رہے ہیں کہ جن کے استعمال سے ہیموگلوبن کی کمی پوری کی جاسکتی ہے، آئیے اْن غذاؤں پر نظر ڈالتے ہیں۔
گْڑ:گْڑ میں آئرن، میگنیشیم اور پوٹاشیم ہوتا ہے۔ آئرن فراہم کرنے کے علاوہ گْڑ پیٹ اور ماہواری کے دردکو دور کرنے میں بھی مددکرتا ہے۔
پالک: پالک آئرن اورکیلشیم دونوں سے بھرپور ہوتی ہے، آپ پالک کے ساتھ تجربہ کرسکتے ہیں اور اسے اپنی یومیہ غذا میں شامل کر سکتے ہیں یا پالک سوپ بنا سکتے ہیں۔
وٹامن سی:اپنی خوراک میں زیادہ سے زیادہ وٹامن سی سے بھرپور غذائیں شامل کریں۔ یہ آپ کے جسم میں آئرن کو بہتر طریقے سے جذب کرنے میں مدد کرتا ہے۔وٹامن سی ویسی تو کئی ایک غذائی اشیاء میں پایا جاتا ہے لیکن اس کا ایک آسان ذریعہ انناس ہے جوکہ شہر میں ہرگلی میں بنڈیوں پر دستیاب ہوتا ہے۔
لوہے کے برتنوں میں پکانا:اگر آپ لوہے سے بھرپور ان کھانوں کا زیادہ سے زیادہ فائدہ اٹھانا چاہتے ہیں تو انہیں لوہے کے برتنوں میں پکائیں۔یادر ہے کہ ہیموگلوبن( ایچ بی) ایک پروٹین ہے جو سرخ خون کے خلیوں میں ہوتا ہے۔ یہ خون کو سرخ بناتا ہے۔ عام سطح میں ہیموگلوبن جسم کے لئے بہت سے کام کرتا ہے۔ لہذا عام ہیموگلوبن کی سطح کو ہر وقت برقر رکھنے کی ضرورت ہے۔ماہرین کے مطابق اگر ہیموگلوبن کی مقدار یا شکل غیر معمولی ہو تو سرخ خون کے خلیے آکسیجن اور کاربن ڈائی آکسائیڈ کی نقل و حمل میں مناسب طریقے سے کام نہیں کرسکتے ہیں۔ یہ وہی چیز ہے جس میں خون کی کمی سمیت صحت کے مختلف مسائل پیدا ہو سکتے ہیں۔
