نئی دہلی: ڈیفنس ریسرچ اینڈ ڈیولپمنٹ آرگنائزیشن (ڈی آر ڈی او) جدیدترین ٹکنالوجی کے ساتھ ہندوستان کو بااختیار بنانے اور دفاعی شعبے میں خودانحصار بنانے کی مہم کے تحت کرتویہ پتھ پر 76 ویں یوم جمہوریہ کی پریڈ میں قومی سلامتی کے لیے اپنے ج اختراعات کی نمائش کرے گا۔ وزارت دفاع نے آج یہاں کہا کہ ڈی آر ڈی او کی جھانکی و کا تھیم ‘رکشا کووچ – ملٹی ڈومین خطرات کے خلاف کثیر سطحی تحفظ’ ہے ۔ اس میں زمین سے فضا میں مار کرنے والے کوئیک رسپانس میزائل، ایئر بورن ارلی وارننگ اینڈ کنٹرول سسٹم، 155 ملی میٹر/52 کیل ایڈوانس ٹوڈ آرٹلری گن سسٹم، ڈرونز کا پتہ لگانے ، روکنے اور تباہ کرنے ، سیٹلائٹ پر مبنی نگرانی کا نظام، میڈیم پاور ریڈار – اروڈرا، ایڈوانسڈ، ہلکے وزن کا تارپیڈو، الیکٹرانک وارفیئر سسٹم دھرم شکتی، لیزر پر مبنی ڈائریکٹیڈ انرجی ویپن، انتہائی مختصر فاصلے کا ایئر ڈیفنس سسٹم، دیسی ساختہ بغیر پائلٹ کے فضائی نظام، سیکیورٹی فورسز کے لیے سافٹ ویئر ڈیفائنڈ ریڈیو، دیسی محفوظ سیٹلائٹ فون اور یوگرام اسالٹ رائفل کی نمائش کی جائے گی۔
