بھارتی سفیر نے کویت کے پہلے نائب وزیر اعظم سے ملاقات کی

,

   

بھارتی سفیر سبی جارج نے 21 جون بروز پیر کو کویت کے پہلے نائب وزیر اعظم اور وزیر داخلہ شیخ احمد نواف الاحمد الصباح سے ملاقات کی اور وسیع پیمانے پر بات چیت کی۔ اس دوران دونوں رہبنماوں نے دوطرفہ تعلقات، مختلف شعبوں میں تعاون بڑھانے کے طریقوں اور کویت میں بھارتی تارکین وطن سے متعلق معاملات پر تفصیل سے بات چیت کی۔واضح رہے کہ حال میں بی جے پی کی قومی ترجمان نوپور شرما نے پیغمبر اسلام کے خلاف قابل اعتراض تبصرہ کیا تھا جس کے خلاف کویت نے مخالفت کی تھی۔ کویت ٹائمز کی خبر کے مطابق کویتی پارلیمنٹ کے 50 میں سے 30 ارکان پارلیمنٹ نے اپنے دستخطوں سے ایک بیان جاری کیا ہے جس میں بھارت میں احتجاج کرنے والے مسلمانوں پر پولیس کارروائی کی شدید مذمت کی گئی ہے۔ ارکان پارلیمنٹ نے اپنے بیان میں کہا کہ بھارتی پولیس نے پیغمبر اسلام کے خلاف نازیبا تبصرے پر پرامن احتجاج کرنے والے مسلمانوں کے خلاف مظالم کا ارتکاب کیا۔