اسلام آباد: پاکستان کے وزیراعظم عمران خان نے فیس بک سی ای او مارک زکر برگ کو مکتوب تحریر کرتے ہوئے اس سوشیل میڈیا پلیٹ فارم پر اسلام سے غیر ضروری خوف دلانے والے مواد کو ہٹانے اور مستقبل کیلئے ایسے ڈیٹا پر امتناع عائد کردینے پر زور دیا ہے۔ عمران نے کہا کہ اسلامو فوبیا یا اسلام کا خوف بڑھایا جارہا ہے جو آگے چل کر انتہا پسندی کو فروغ دے گا اور دنیا بھر میں تشدد پھوٹ پڑے گا۔ اس کام کیلئے سوشیل میڈیا کے پلیٹ فارمس کو شدت سے استعمال کیا جارہا ہے۔
