ممبئی، 6 ستمبر (ایجنسیز) پشپاراج کا کافی شاندار ردعمل ملا اور اللو ارجن کو بھی اس کردار کے لیے کافی پیار ملا ہے لیکن اب ایک مختلف فلم اور کردارکا وقت آگیا ہے، جس کے لیے اللو ارجن فی الحال پوری تیاری میں ہیں۔ ان کی اگلی فلم ’’راکا‘‘ ہے جسے ایٹلی پروڈیوس کررہے ہیں سن پکچرز نے اس میں سرمایہ کاری کی ہے۔ دیپیکا پڈوکون اس فلم میں اللو ارجن کے ساتھ کام کر رہی ہیں۔ جھانوی کپور اور رشمیکا منڈنا کو بھی فلم سے جوڑا جا رہا ہے۔ فلم کی کاسٹنگ جاری ہے۔ اس سب کے درمیان رنبیر کپورکی فلم ’انیمل‘ کے ایک اداکارکو ’راکا‘ میں کاسٹ کیا گیا ہے۔ وہ کوئی اور نہیں بلکہ ببلو پرتھوی راج ہے۔کچھ دن پہلے، اللو ارجن کی راکا نے آن لائن کافی ہنگامہ برپاکیا، جیسا کہ رپورٹس نے 31 دسمبر 2027 کو ریلیز ہونے کی خبر دی تاہم اس معاملے پرکوئی ٹھوس معلومات نہیں مل سکیں۔ فلم سازوں نے ابھی تک ریلیزکی تاریخ کے بارے میں کوئی باضابطہ اعلان نہیں کیا ہے۔ دریں اثنا، جنوبی ہند کی فلم انڈسٹری کے ایک اداکار نے فلم میں اپنی شمولیت کی تصدیق کی ہے۔ ایک حالیہ رپورٹ میں انکشاف کیا گیا ہے کہ ببلو پرتھویراج بھی راکا میں کام کریں گے۔ ببلو پرتھویراج نے راکا کے سیٹ پر اپنے تجربے اور کردار کے بارے میں بات کی۔ پراجیکٹ میں اپنی کاسٹنگ کی تصدیق کرتے ہوئے، ببلو نے انکشاف کیا کہ انہوں نے ایک مخصوص روپ کے ساتھ اہم کردار ادا کیا ہے۔ انہوں نے ہدایت کار ایٹلی کے ساتھ کام کرنے کے بارے میں بھی بات کی اور فلم کے بین الاقوامی پیمانے اور ہالی ووڈ کے عملے کے بارے میں تفصیلات فراہم کی۔ تاہم اللو ارجن کے ساتھ اتنے بڑے پروجیکٹ کا حصہ بننا ببلو کے لیے ایک خواب پورا ہونا ہے۔ اپنے معاہدے کی وجہ سے وہ مزید تفصیلات فراہم کرنے سے قاصر تھے۔اس وقت فلمی دنیا میں جن سب سے بڑی فلمیں کی بات ہورہی ہے اس میں اللو ارجن کی یہ فلم راکا بھی ہے ۔ایک جانب اللو ارجن کی گزشتہ فلم پشپا تو دوسری جانب ایٹلی کی آخری فلم جوان نے باکس آفس پر نئے ریکارڈ قائم کئے ہیں ۔
